НҰР-СҰЛТАН. ҚазАқпарат – Қазақстандық «Тобыл» енді футболдан UEFA Конференция лигасында сынға түсетін болды, деп хабарлайды ҚазАқпарат тілшісі.
Қостанайлық клуб бүгін футболдан UEFA Чемпиондар лигасы бірінші іріктеу сатысында сырт алаңда Венгрияның «Ференцварош» командасына 1:5 есебімен жол берді.
Қостанайда өткен алғашқы ойында екі команда 0:0 есебіне қанағат білдірген еді.
Енді «Тобыл» Конференция лигасы екінші іріктеу сатысында Гибралтардың «Линкольн Ред Импс» командасымен кездеседі.
Ал «Ференцварош» Чемпиондар лигасы екінші іріктеу сатысында Словакияның «Слован» клубымен шеберлік байқасады.
Сондай-ақ, Конференция лигасында екінші іріктеу сатысында еліміздің атынан елордалық «Астана», алматылық «Қайрат» және петропавлдық «Қызылжар» командалары ел намысын қорғайды.
Ойындар 21 және 28 шілде күндері өткізіледі.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.