НҰР-СҰЛТАН. ҚазАқпарат - UEFA Европада COVID-19 дертінің өршуіне байланысты мамыр айына жоспарланған бірқатар еурокубок ойындарының финалын кейінге шегеруге шешім қабылдады, деп хабарлайды ҚазАқпарат тілшісі UEFA сайтына сілтеме жасап.
Олардың қатарында әйелдер арасындағы Чемпиондар лигасы, ерлер арасындағы Чемпиондар лигасы мен Еуропа лигасы ойындарының финалы бар. Финалдың өткізілетін уақыты әзірге белгісіз. Негізінде Чемпиондар лигасының ақтық бәсекесі 30 мамырға жоспарланса, Еуропа лигасының финалы 27 мамырда өтуі тиіс болатын.
Бүгінгі таңда Чемпиондар лигасы мен Еуропа лигасының 1/8 финалдық ойындары аяқталған жоқ. Әйелдер арасындағы ойындар барысы да әлі жалғасуы тиіс.
Бұдан бұрын футболдан Қазақстан құрамасының жолдастық кездесу ойындары өткізілмейтінін хабарлаған едік.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.