АСТАНА. KAZINFORM - Футболдан екінші лигада биыл еліміздің 16 өңірінен алғаш рет 24 команда қатысады. Командалар оңтүстік-батыс және солтүстік-шығыс аймақтары бойынша екі конференция бойынша сынға түседі.
Екінші лига ойындары 9 сәуір - 1 қазан аралығында өтеді. Оған еліміздің 16 өңірінен алғаш рет 24 команда қатысады. Командалар бірінші лигаға берілетін 2 жолдама үшін таласады.
Ел біріншілігінде алғаш рет «Талас» (Жамбыл облысы), «Ертіс» (Павлодар облысы), KazAST ( Алматы) пен «Алтай», «Жеңіс», «Қайсар-Шиелі», «SD Family» клубтарының жастары доп тебеді. Әр конференцияның жеңімпазы келесі маусымда бірінші лигада ойын көрсетуге мүмкіндік алады.
Еске салсақ, бүгін футболдан бірінші лига командалары арасындағы Қазақстан чемпионатының бірінші турындағы алғашқы ойын күні өтті.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.