НҰР-СҰЛТАН. ҚазАқпарат - Футболдан Премьер-лига командалары арасындағы ел біріншілігінің 16-турында тағы екі ойын өтті. «Шахтер» «Ақтөбе» командасына есе жіберсе, «Атырау» мен «Тараз» тең ойнады , деп хабарлайды ҚазАқпарат тілшісі.
Қарағандыда жергілікті «Шахтер» «Ақтөбе» командасын қабылдады. Аталған кездесуде алдымен қарағандылық футболшылар екі гол соқса, одан кейін ақтөбелік ұжым қатарынан үш мәрте қақпаны дәл көздеді. Нәтижесінде «Ақтөбе» қарсыласынан 3:2 есебімен басым түсті. Осылайша турнир кестесінде көш басына шықты.
Бүгінгі тағы бір кездесуде «Атырау» мен «Тараз» 0:0 есебіне қанағат білдірді.
Ал 1 шілдеде «Тобыл» мен «Тұран» 2:2 есебімен тең түсті.
Енді 3 шілдеде «Астана» мен «Мақтаарал», «Қайрат» пен «Ақжайық», «Ақсу» мен «Қызылжар» командалары жасыл алаңға шығады.
Ал 4 шілдеде «Ордабасы» мен «Каспий» командалары кездеседі.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.