НҰР-СҰЛТАН. ҚазАқпарат – Футболдан Қазақстан біріншілігіндегі ойыншылардың жазғы трансферлік мерзімі бекітілді, деп хабарлайды ҚазАқпарат тілшісі.
Бұл жөнінде Қазақстан кәсіпқой футбол лигасы мәлім етті.
Аталған шешімді Қазақстан футбол федерациясының атқарушы комитеті шығарды. Нәтижесінде жазғы ойыншылар ауысу кезеңінің мерзімі айқындалды.
Қазақстан футбол федерациясы атқарушы комитетінің шешімімен екінші тіркеу трансферлік кезеңі 28 маусымде басталып, 26 шілдеде аяқталады.
Еске салсақ, бұдан бұрын футболдан ел біріншілігінде «Қайрат» «Мақтаралдан» басым түсті.
Сондай-ақ, Қазақстан футбол чемпионатында «Тұран» мен «Ақжайық» тең тарқасты.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.