НҰР-СҰЛТАН. ҚазАқпарат - Футболдан Премьер-лига командалары арасындағы ел біріншілігінің 16-турында Қостанайдың «Тобылы» Түркістанда «Тұранмен» тең түсті, деп хабарлайды ҚазАқпарат тілшісі.
Ойын барысында қос команда жеңіске жету жолын іздеді. Турнир кестесінде көш басында келе жатқан «Тобыл» жылдам гол соғу мүмкіндігін қарастырды. Оған алаң иелері лайықты қарсылық көрсетті. Бірінші кезеңде таблодағы есеп өзгерген жоқ.
Екінші кезеңнің 60-минутында түркістандық клубтан Шоқан Абзалов есеп ашса, 83-минутта Чиди Осучукву есепті ұлғайта түсті. Осыдан кейін 86-минутта Сергей Малый бір голмен қайырса, 98-минутта Душан Йованчич пенальтиден таразы басын теңестірді.
Енді 2 шілдеде «Шахтер» мен «Ақтөбе», «Атырау» мен «Тараз», 3 шілдеде «Астана» мен «Мақтаарал», «Қайрат» пен «Ақжайық», «Ақсу» мен «Қызылжар» командалары жасыл алаңға шығады.
Ал 4 шілдеде «Ордабасы» мен «Каспий» командалары кездеседі .
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.