АСТАНА. ҚазАқпарат - Футболдан ел біріншілігінде ойыншылардың жазғы трансферлік мерзім басталды, деп хабарлайды ҚазАқпарат тілшісі.
Жазғы трансфер уақыты 26 маусымда басталып, 24 шілдеде аяқталады. Осы аралықта командалар жаңа ойыншыларды тіркей алады.
Айта кетсек, қазір Премьер лигада алғашқы айналым мәресіне жетті.
Әзірге 15 ойыннан кейін 33 ұпай жинаған «Астана» көш басында келеді. Одан кейінгі орындарда «Ордабасы» мен «Ақтөбе» командалары тұр.
Енді екінші айналым 1 және 2 шілде күндері өткізіледі.
Еске салсақ, бұдан бұрын 13-тур ойындары өтті. Бұл турда «Астана» «Каспийді» 3:1 есебімен жеңсе, «Қайрат» «Қызылжарды» 3:0 есебімен тізе бүктірді.
Ал одан кейін «Атырау» «Тобылды» - 3:0, «Жетісу» «Шахтерді», «Ордабасы» «Ақсуды», «Қайсар» «Оқжетпесті» - 1:0 есебімен қапы қалдырса, «Ақтөбе» мен «Мақтарал» 1:1 есебімен тең түсті.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.