НҰР-СҰЛТАН. ҚазАқпарат – Футболдан Қазақстан чемпионатының оныншы турында түркістандық «Тұран» өз алаңында «Шахтерді» қабылдады, деп хабарлайды ҚазАқпарат тілшісі.
Өткен турда түркістандықтар «Астанамен» тең түссе, қарағандылықтар ел чемпионы «Тобылды» ірі есеппен ұтқан еді.
Бірінші таймда алаң иелерінен 7-минутта Шоқан Абзалов есеп ашты – 1:0.
Екінші кезеңде Ш.Абзалов 54-минутта екінші голын соқты – 2:0.
Осылайша, Қуаныш Қабдоловтың шәкірттері бұл жеңістен кейін 11 ұпай жинап, турнир кестесінде оныншы орынға көтерілді. 13 ұпайы бар «Шахтер» сегізінші сатыда келеді.
Келесі турда 14 мамырда қарағандылықтар «Ордабасыны» қабылдаса, «Тұран» сырт алаңда «Ақсумен» кездеседі.
Еске сала кетейік, бұдан бұрын «Ақжайық» пен «Мақтааралдың» тең тарқасқанын жазған болатынбыз.
Сондай-ақ ел чемпионатында «Каспий» қайтадан көш бастады.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).