НҰР-СҰЛТАН. ҚазАқпарат - Футболдан Еуропа чемпионатының финалдық сатысының топтық кезеңі екінші турында Англия мен Шотландия кездесті, деп хабарлайды ҚазАқпарат тілшісі.
Еске салсақ, аталған екі құрама D тобында сынға түседі. Қарсыластары – Хорватия мен Чехия.
Алғашқы турда Англия Чехиядан 1:0 есебімен басым түссе, Шотландия Хорватияға 0:1 есебімен жол берді.
Екі құрама бұған дейін 116 мәрте кездесті. Оның 48-де ағылшындар жеңіске жетіп, 41-де шотландиялықтар басым түссе, қалғанында тең нәтиже тіркелді.
Бүгінгі кездесуде екі құрама жеңіске жету жолын іздеді. Дегенмен таблодағы есеп өзгеріссіз қалды. Ойында 0:0 есебі тіркелді.
Бүгін аталған топтағы Хорватия мен Чехия 1:1 есебімен тең түсті.
Бұл топтағы үшінші тур ойындары 22 маусымда болады. Бұл күні Хорватия мен Шотландия, Чехия мен Англия құрамалары кездеседі.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.