НҰР-СҰЛТАН. ҚазАқпарат - Бүгін, 15 сәуірде футболдан UEFA Еуропа лигасы 1/4 финалы қарымта ойындары басталады, деп хабарлайды ҚазАқпарат тілшісі.
Бүгінгі ойындарда «Рома» (Италия) мен «Аякс» (Нидерланды), «Манчестер Юнайтед» (Англия) пен «Гранада» (Испания), «Вильярреал» (Испания) мен «Динамо Загреб» (Хорватия), «Славия Прага» (Чехия) мен «Арсенал» (Англия) командалары шеберлік байқасады.
Естеріңізге сала кетелік, бұдан бір апта бұрын командалар жарыстың аталған сатысындағы алғашқы ойындарды өткізді. Өз алаңында «Рома» «Аяксты» 2:1, «Вильярреал» «Динамо Загребті» 1:0, «Манчестер Юнайтед» «Гранаданы» 2:0 есебімен тізебүктірді. Ал «Арсенал» өз алаңында «Славия Прагамен» 1:1 есебімен тең түсті.
Еуропа лигасының финалы Польшаның Гданьск қаласындағы «Гданьск Арена» стадионында 26 мамырда өткізіледі.
2020 жылы Еуропа лигасында Испанияның «Севилья» командасы чемпион атанды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.