НҰР-СҰЛТАН. ҚазАқпарат - Футболдан UEFA Еуропа лигасы жартылай финалының алғашқы ойындары өтті, деп хабарлайды ҚазАқпарат тілшісі.
Жарыстың аталған сатысында алғашқы кездесуде «Вест Хэм Юнайтед» (Англия) және «Айнтрахт» (Германия) шеберлік байқасты.
Ойын барысында неміс клубы сырт алаңда қарсыласын 2:1 есебімен тізе бүктірді.
Тағы бір кездесуде «Лейпциг» (Германия) мен «Рейнджерс» (Шотландия) жасыл алаңға шықты. Кездесу тағдырын германиялық клуб соққан жалғыз гол шешті. «Лейпциг» қарсыласын 1:0 есебімен жеңді. Осылайша «Айнтрахт» еурокубок ойындарында қатарынан тоғыз кездесуде жеңіске жетті.
Енді қарымта ойындар 5 мамырда өткізіледі. Финал 18 мамырда Испанияның Севилья қаласындағы «Рамон Санчес Писхуан» стадионында болады.
Еске салсақ, бұдан бұрын Чемпиондар лигасы жартылай финалындағы алғашқы ойындар өтті.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.