Футболдан Еуропа және Конференция лигасының 1/4 финалына кімдер шыққаны анықталды

АСТАНА. KAZINFORM - Футболдан UEFA Еуропа және Конференция лигасының 1/4 финалына шыққан командалар белгілі болды.

Еуропа лигасында ширек финалға «Бенфика» (Португалия), «Вест Хэм Юнайтед» (Англия), «Милан» (Италия), «Марсель» (Франция), «Ливерпуль» (Англия), «Рома» (Италия), «Аталанта» (Италия), «Байер» (Германия) клубтары жолдама алды.

Еуропа лигасы 1/4 финалының жеребе тарту рәсімі 15 наурызда сағат 17.00-де басталады.
Ал Конференция лигасында «Виктория Пльзень» (Чехия), «Фиорентина» (Италия), ПАОК (Грекия), «Астон Вилла» (Англия), «Фенербахче» (Түркия), «Олимпиакос Пирей» (Грекия), «Лилль» (Франция), «Брюгге» (Бельгия) командалары ширек финалда ойнайды.

Ал 1/4 финалының жеребесі 15 наурызда сағат 18.00-де басталады.

Еске салсақ, бұдан бұрын Чемпиондар лигасында ширек финалға жолдама алған командалар белгілі болды.

Мұндай мүмкіндікке «Барселона» (Испания), «Арсенал» (Англия), «Пари Сен-Жермен» (Франция), «Бавария» (Германия), «Реал Мадрид» (Испания), «Манчестер Сити» (Англия), «Атлетико Мадрид» (Испания), «Боруссия Дортмунд» (Германия) командалары ие болды.

https://kaz.inform.kz/news/chempiondar-ligasi-shirek-finalga-zholdama-algan-komandalar-belgl-boldi-147ed4/