НҰР-СҰЛТАН. ҚазАқпарат - Футболдан Қазақстан әйелдер құрамасының бас жаттықтырушысы Разия Нүркенова кенеттен қайтыс болды, деп хабарлайды ҚазАқпарат Қазақстан футбол федерациясына сілтеме жасап.
Разия Төлеуқызы Нүркенова 52 жастан асқан шағында кенеттен көз жұмған. Бұл есім мамандар мен жанкүйерлер арасында кеңінен танымал. Ол кезінде ұлттық құраманың алғашқы шабуылшысының бірі болған еді.
Р. Нүркенова спорттық мансабын қарағандылық «Олимп» әйелдер футбол клубында бастаған. Бұл командада ол 1987-1991 жылдардың аралығында ойын көрсетті. Команда капитаны міндетін атқарды. 1992 жылы Ресейдің Самара қаласының ЦСКА ВКС футбол клубына ауысып, онда 2001 жылға дейін шабуыл шебіндегі жартылай қорғаушы болды.
Р. Нүркенова кезінде КСРО, ТМД, Қазақстан және Ресей құрамаларына да шақырылған. Спортшылық мансабы аяқталғаннан кейін футбол төрешісі болса, кейіннен бапкерлік қызметпен айналысты. Футболдан Қазақстан және Ресей спорт шебері.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.