НҰР-СҰЛТАН. ҚазАқпарат - Футболдан Премьер-лига командалары арасындағы ел біріншілігінің 21-турының алғашқы ойын күні өтті, деп хабарлайды ҚазАқпарат тілшісі.
Елордалық «Астана» өз алаңында «Ақтөбеден» 2:1 есебімен басым түсті. Кездесу барысында елордалық клубтан Фатос Бечирай 4, Марин Томасов 15-минуттарда мергендік танытты. Оған ақтөбелік командадан Дмитрий Коркишко 19-минутта адлғыз голмен жауап қайырды.
Осылайша «Астана» турнир кестесінде қайтадан көш басына шықты. Қоржынында 47 ұпай бар. Ал екінші орындағы «Тобыл» 20 ойыннан кейін 45 ұпай еншілеген.
Сондай-ақ, «Жетісу» мен «Ақжайық» 2:2, «Тұран» мен «Ордабасы» 1:1 есебімен тең түссе, «Каспий» «Атыраудан» 2:1 есебімен басым түсті.
Аталған турдағы екінші ойын күні 19 қыркүйекте жалғасады. Бұл күні «Тараз» бен «Тобыл» (Қостанай), «Қайрат» (Алматы) мен «Қызылжар» (Петропавл), «Қайсар» (Қызылорда) мен «Шахтер» (Қарағанды) шеберлік байқасады.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.