НҰР-СҰЛТАН. ҚазАқпарат - Футболдан Премьер-лига командалары арасындағы ел біріншілігінің 21-туры басталады, деп хабарлайды ҚазАқпарат тілшісі
Ойындар екі күнге белгіленген. Алдымен 18 қыркүйекте төрт кездесу өткізілсе, 19 қыркүйекте үш ойын болады.
Аталған тур шымылдығы 15.00-де «Жетісу» (Талдықорған) мен «Ақжайық» (Орал) кездесуімен ашылады.
Одан кейін 17.00-де «Астана» (Нұр-Сұлтан) мен «Ақтөбе» командалары жалғастырса, 18.00-де «Каспий» (Ақтау) мен «Атырау», 20.00-де «Тұран» (Түркістан) мен «Ордабасы» (Шымкент) жасыл алаңға шығады.
Ал 19 қыркүйекте 17.00-де «Тараз» бен «Тобыл» (Қостанай), 19.00-де «Қайрат» (Алматы) мен «Қызылжар» (Петропавл), 21:00-де «Қайсар» (Қызылорда) мен «Шахтер» (Қарағанды) шеберлік байқасады.
20-тур нәтижесі бойынша 45 ұпаймен «Тобыл» көш басында келе жатса, одан кейінгі орындардағы «Астананың» - 44, «Қайраттың» - 37 ұпайы бар.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.