НҰР-СҰЛТАН. ҚазАқпарат - Бүгін футболдан Премьер-лига командалары арасындағы ел біріншілігі мәресіне жетеді, деп хабарлайды ҚазАқпарат тілшісі.
Барлық ойындар бүгін, 30 қазанда өткізіледі.
Аталған турда жанкүйерлер 14.00-де басталатын «Шахтер» (Қарағанды) мен «Атырау», «Тараз» бен «Қайсар» (Қызылорда), «Қызылжар» (Петропавл) мен «Ордабасы» (Шымкент), «Жетісу» (Талдықорған) мен «Қайрат» (Алматы) ойындарына көз тігеді.
Ал 16.00-де «Ақжайық» (Орал) пен «Тобыл» (Қостанай), «Астана» (Нұр -Сұлтан) мен «Тұран» (Түркістан), «Ақтөбе» мен «Каспий» (Ақтау) командалары кездеседі.
Қазір «Тобыл» мен «Астана» чемпиондыққа талас жүргізіп келеді. Оның бірі бүгін сүрінген жағдайда алтын медаль тағдыры шешілуі мүмкін.
Айта кетсек, «Қайрат» биылғы біріншіліктің қола жүлдегері атанды.
25-тур нәтижесі бойынша 58 ұпаймен «Тобыл» көш басында келеді. Одан кейінгі орындардағы «Астананың» - 56, «Қайраттың» - 50 ұпайы бар.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.