НҰР-СҰЛТАН. ҚазАқпарат – Бүгін футболдан Премьер-лига командалары арасындағы ел біріншілігінің он үшінші туры басталады, деп хабарлайды ҚазАқпарат тілшісі.
Ойындар 23 және 24 мамыр күндеріне белгіленген. Алғашқы күні үш жұп кездессе, екінші күнінде төрт матч өтеді.
Аталған турдың шымылдығы 23 мамырда елорда уақытымен 17.00-де «Жетісу» (Талдықорған) мен «Қайсар» (Қызылорда) командалары кездесуімен ашылады. Одан кейін 21.00-де «Ақтөбе» мен «Тұран» (Түркістан), «Астана» (Нұр-Сұлтан) мен «Қайрат» (Алматы) кездесулерімен жалғасады.
Ал 24 мамырда 18.00-де «Ордабасы» (Шымкент) мен «Тараз», «Қызылжар» (Петропавл) мен «Атырау» болады. Аталған турды 20.00-де «Шахтер» (Қарағанды) мен «Тобыл» (Қостанай), «Ақжайық» (Орал) мен «Каспий» (Ақтау) ойындары түйіндейді.
Он екі турдан кейін турнир кестесінде 32 ұпаймен «Астана» командасы көш бастап келеді. Одан кейінгі орындардағы «Тобылдың» 25, «Ақжайықтың» 21 ұпайы бар.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.