НҰР-СҰЛТАН. ҚазАқпарат – Бүгін футболдан Премьер-лига командалары арасындағы ел біріншілігінің тоғызыншы туры басталады, деп хабарлайды ҚазАқпарат тілшісі.
Ойындар 2 және 3 мамыр күндеріне белгіленген. Алғашқы күні үш жұп кездессе, екінші күнінде төрт матч өтеді.
Аталған турдың шымылдығы 2 мамырда елорда уақытымен 17.00- де «Ақтөбе» мен «Астана» (Нұр-Сұлтан) командалары кездесуімен ашылады. Одан кейін 18.00-де «Атырау» мен «Каспий» (Ақтау), 19.00-де «Тобыл» (Қостанай) мен «Тараз» ойындарымен жалғасады.
Ал 3 мамырда 16.00 «Қызылжар» (Петропавл) мен «Қайрат» (Алматы) кездессе, 18.00-де «Ордабасы» (Шымкент) мен «Тұран» (Түркістан), «Ақжайық» (Орал) пен «Жетісу» (Талдықорған) командалары шеберлік байқасады. Аталған турды 20.00-де «Шахтер» (Қарағанды) мен «Қайсар» (Қызылорда) кездесуі түйіндейді.
Естеріңізге сала кетелік, сегіз турдан кейін «Астана» 20 ұпаймен көш бастаса, одан кейінгі орындардағы «Тараздың» 17, «Қайраттың» 15 ұпайы бар.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.