НҰР-СҰЛТАН. ҚазАқпарат - Футболдан Премьер-лига командалары арасындағы ел біріншілігінің 21-туры мәресіне жетті, деп хабарлайды ҚазАқпарат тілшісі.
Аталған турдың екінші ойын күнінде Қостанайдың «Тобылы» сырт алаңда «Таразбен» 0:0 есебімен тең түсті. Нәтижесінде турнир кестесінде бірінші орынға елордалық «Астана» жеке-дара шығып кетті.
Үздік үштікте келе жатқан Алматының «Қайраты» өз алаңында Петропавлдың «Қызылжарынан» 1:0 есебімен басым түсті. Осылайша әлі де бұдан да жоғары орыннан үмітті екенін байқатып қойды.
Еске салсақ, 18 қыркүйекте «Астана» «Ақтөбені» 2:1 есебімен тізе бүктірді.
Ал «Жетісу» мен «Ақжайық» 2:2, «Тұран» мен «Ордабасы» 1:1 есебімен тең түссе, «Каспий» «Атырауды» 2:1 есебімен жеңді.
Енді 22-тур ойындары 26 және 27 қыркүйек күндері өткізіледі.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.