НҰР-СҰЛТАН. ҚазАқпарат - Коронавирус инфекциясының ел аумағында таралуының алдын алу мақсатында футболдан Қазақстан біріншілігі ойындарын өткізу кейінге шегерілді, деп хабарлайды ҚазАқпарат.
ҚР кәсіпқой футбол лигасынан мәлім еткендей, бұл шешім Премьер-лига, бірінші және екінші лига ойындарына қатысты.
Жаңа ойын кестесі кейін хабарланатын болады.
Ел біріншілігінің 3-туры 21 және 22 наурыз күндеріне белгіленген еді.
Бұдан бұрын футболдан Қазақстан кубогының алғашқы кезеңі кейінге шегерілді.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.