АСТАНА. KAZINFORM - Футболдан 2025 жылғы Еуропа чемпионаты іріктеу сатысында 19 жасқа дейінгі Қазақстан қыздар құрамасы Грузияны ірі есеппен жеңді.
Ойын барысында грузиялық құрамадан Наталья Квирквайя 4-минутта есеп ашты. Одан кейін қазақстандық футболшылар белсенді қимылымен көзге түсіп, қарсылас қақпасын бес мәрте дәл көздеді. Ел құрамасынан 37-минутта Валерия Попва таразы басын теңестірсе, ол 53-минутта тағы бір мәрте мергендік танытты.
Одан кейін Аяжан Қожабекова 64, Қазына Норбаева 72, Адия Асқарова 88-минутта гол соқты.
Осылайша ел құрамасы қарсыласынан 5:1 есебімен басым түсті.
Айта кетсек, бұған дейін қазақстандық футболшылар Эстонияға 1:2 есебімен жеңіліп, Солтүстік Ирландиямен 0:0 есебімен тең түскен еді.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.