НҰР-СҰЛТАН. ҚазАқпарат - Бүгін футболдан Қазақстан кубогы топтық кезеңінің үшінші туры басталады, деп хабарлайды ҚазАқпарат тілшісі.
Ойындар екі күнге белгіленген. Алдымен 24 шілдеде төрт ойын белгіленсе, 25 шілдеде де төрт матч өткізіледі.
Бүгін, 24 шілдеде «Қайрат» (Алматы) мен «Тұран» (Түркістан), «Қызылжар» (Петропавл) мен «Ордабасы» (Шымкент), «Атырау» мен «Тараз», «Ақтөбе» мен «Қайсар» (Қызылорда) шеберлік байқасады.
Ал 25 шілдеде «Шахтер» (Қарағанды) мен БЖМОРСМ (Нұр-Сұлтан), «Атырау» мен «Тараз» , «Каспий» (Ақтау) мен «Жетісу» (Талдықорған), «Астана» (Нұр-Сұлтан) мен «Ақжайық» (Орал), «Тобыл» (Қостанай) мен «Мақтарал» (Түркістан облысы) үшінші турды түйіндейді.
Айта кетсек, биыл аталған дода жаңа талаптар бойынша ойналады.
Топтық кезеңде Премьер-лиганың 14 командасы мен іріктеу кезеңінен іркілмей өткен бірінші лиганың екі клубы төрт топқа бөлінген.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.