НҰР-СҰЛТАН. ҚазАқпарат - Футболдан Қазақстан кубогы ширек және жартылай финал ойындарының жеребесі тартылды, деп хабарлайды ҚазАқпарат тілшісі.
Жеребе нәтижесінде ширек финалда «Тараз» бен «Шахтер» (Қарағанды), «Қайрат» (Алматы) пен «Ақжайық» (Орал), «Астана» (Нұр-Сұлтан) мен «Мақтарал» (Түркістан облысы), «Қайсар» (Қызылорда) мен «Ордабасы» (Шымкент) командалары жұп құрады.
Ал Қазақстан кубогының жартылай финалында кездесетін командалары төмендегіше:
«Қайрат» / «Ақжайық» - «Тараз» / «Шахтер»
«Астана» / «Мақтарал» – «Қайсар» / «Ордабасы»
Айта кетсек, Қазақстан кубогының топтық кезеңі 8 шілдеде жалауын көтерді. Ол 15 тамызда мәресіне жетті.
Еске салсақ, ФИФА Катарда өтетін әлем чемпионатының ашылуын 20 қарашаға жылжытты.
Айта кетейік, биыл футболдан 22-ші әлем чемпионаты 20 қараша мен 18 желтоқсан аралығында Катарда өтеді.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.