АСТАНА. ҚазАқпарат - Бүгін футболдан Қазақстан кубогы 1/8 финалының алғашқы ойынының нәтижесі белгілі болды, деп хабарлайды ҚазАқпарат тілшісі.
Петропавлдың «Қызылжары» өз алаңында Талдықорғанның «Жетісуын» 3:0 есебімен сүріндірді.
Ойын барысында петропавлдық клубтан Младен Веселенович - 11, Тимур Мульдинов - 33, Артем Черединов 81-минутта мергендік танытты.
Ал ақтаулық «Каспий» Түркістанның «Тұранына» 0:1 есебімен жол берді. Кездесу тағдырын шешкен голды Адама Диалло 16-минутта өзінің еншісіне жазды.
Дәл өазір «Ақтөбе» - «Атырау», «Шахтер» (Қарағанды) - «Оқжетпес» (Көкшетау) ойындары өтіп жатыр.
Ал 19:00-де «Қайрат» (Алматы) - «Ақжайық» (Орал), «Тобыл» (Қостанай) - «Ақсу» (Павлодар облысы) шеберлік байқасады.
Сондай-ақ, 21:00-де «Ордабасы» (Шымкент) - «Мақтарал» (Түркістан облысы), «Астана» - «Қайсар» (Қызылорда) жасыл алаңға шығады.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.