АСТАНА. ҚазАқпарат - Шымкенттің «Ордабасы» клубы футболдан Қазақстан кубогының финалына берілген алғашқы жолдамаға ие болды, деп хабарлайды ҚазАқпарат тілшісі.
Шымкенттік клуб жартылай финалда өз алаңында елордалық «Астана» командасымен шеберлік байқасты.
Екі команда арасындағы алғашқы кездесуде «Астана» 1:0 есебімен басым түскен еді.
Бүгінгі ойында «Ордабасы» сапынан Шахбоз Умаров 53-минутта мергендік танытты.
Нәтижесінде екі кездесудің қорытындысы бойынша таразы басы теңесіп, ойын овертаймға ұласты.
Овертаймның 105-минутында Темірлан Ерланов есепті үстемелей түсті.
Осылайша «Ордабасы» қарсыласынан 2:0 есебімен басым түсті.
Енді 8 шілдеде «Атырау» мен «Тобыл» (Қостанай) командалары шеберлік байқасады.
Алғашқы ойында қостанайлық клуб аталған қарсыласын 1:0 есебімен жеңген еді.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.