НҰР-СҰЛТАН. ҚазАқпарат - Футболдан Қазақстан кубогының үшінші кезеңіне шыққан төрт команда анықталды, деп хабарлайды ҚазАқпарат тілшісі.
12 сәуірде жарыстың екінші сатысында төрт ойын өткізілді.
Қызылорданың «Қайсары» өз алаңында елорданың «Жас сұңқарын» 1;0, Арыстың «Яссы» командасы Алматының «Жас қыранын» 2:0 есебімен тізе бүктірді.
Талдықорғанның «Жетісуы» сырт алаңда «Aqtobe City» клубымен кездесіп, негізгі кезеңде 0:0 есебі тіркелді. Пенальтиден талдықорғандық клуб 3:2 есебімен жеңіске жетті.
Ал шымкенттік «Академия Оңтүстік» клубы елордалық «Жеңіске» 2:3 есебімен жол берді.
Енді төрт команда 3 мамырда Қазақстан кубогының топтық кезеңіне екі жолдаманы сарапқа салады.
Еске салсақ, бұдан бұрын Қазақстан кубогының алғашқы кезеңі аяқталғанын хабарлаған едік.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.