АСТАНА. ҚазАқпарат – Футболдан Қазақстан кубогы жартылай финалына шыққан барлық команда анықталды, деп хабарлайды ҚазАқпарат тілшісі.
Жарыстың жартылай финалына тағы екі жолдамаға «Тобыл» мен «Атырау» ие болды.
Қостанайлық «Тобыл» сырт алаңда Қарағандының «Шахтеріне» 0:1 есебімен жеңілді. Алғашқы ойында қостанайлық клуб 2:0 есебімен басым түскен еді.
Ал, тағы бір ойында «Атырау» өз алаңында Алматының «Қайратын» 2:1 есебімен сүріндірді. Бірінші ойында 1:1 есебімен тең аяқталды.
Айта кетсек, бұдан бұрын «Ордабасы» мен «Астана» жартылай финалға шықты.
Еске салсақ, мамырдың 7-нен 8-іне қараған түні футболдан UEFA Конференция лигасының финалы өткізіледі. Бұл күні «Фиорентина» (Италия) мен «Вест Хэм Юнайтед» (Англия) кездеседі.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.