НҰР-СҰЛТАН. ҚазАқпарат - Футболдан 2022 жылғы Қазақстан кубогының алғашқы кезеңі аяқталды, деп хабарлайды ҚазАқпарат тілшісі.
Жарыстың аталған сатысында Қызылорданың «Қайсары» өз алаңында Көкшетаудың «Оқжетпес» командасын 2:0 есебімен басым түсті.
Ал Талдықорғанның «Жетісуы» өз алаңында Шығыс Қазақстан облысының «Алтайын» 4:0 есебімен сүріндірді.
Алғашқы кезеңдегі өзге ойын нәтижелері төмендегідей:
«Қыран» (Шымкент) - «Оңтүстік академиясы» (Шымкент) 0:3
«SD Family» (Нұр-Сұлтан) - «Жас Қыран» (Алматы) 1:1 (5:6, пенальтиден)
«Aqtobe City» - «Арыс» (Түркістан облысы) 2:1
«Игілік» (Тараз) - «Жеңіс» (Нұр-Сұлтан) 1:2
«Байқоңыр» (Қызылорда) - «Жас Сұңқар» (Нұр-Сұлтан) 1:4
«Яссы» (Түркістан) - «Хан-Тенгри» (Алматы) 0:0 (2:1, пенальтиден)
Енді екінші кезеңде «Aqtobe City» мен «Жетісу», «Қайсар» мен «Жас Сұңқар», «Оңтүстік академиясы» мен «Жеңіс», «Яссы» мен «Жас Қыран» кездеседі.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.