АСТАНА. KAZINFORM — Футболдан Қазақстан және Беларусь құрамаларының жолдастық кездесуі қашан өтетіні белгілі болды.
Бұл жөнінде қос елдің федерациялары өзара келісімге келді.
Кездесу 5 маусымда Беларусь астанасы — Минск қаласындағы «Динамо» ұлттық олимпиадалық стадионында өтеді. Матч Қазақстан уақытымен 22:00–де басталады.
Қазірге дейін құрамалар өзара жеті ойын өткізген. Оның төртеуінде Беларусь құрамасы жеңсе, тағы екі матч тең есеппен аяқталып, біреуінде қазақстандық футболшылар басым түсті.
2022 жылғы УЕФА Ұлттар лигасының С дивизионында Қазақстан құрамасы бір кездесуде 1:1 есебімен тең түссе, тағы бірінде 2:1 есебімен тізе бүктірді.
2026 жылғы әлем чемпионатында J тобында Уэльске (1:3) жол беріп, Люксембургті (2:0) қапы қалдырды. Турнир кестесінде үш ұпаймен үшінші орында келеді.
Енді 10 маусымда өз алаңында Солтүстік Македонияны қабылдайды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.