АСТАНА. KAZINFORM - Футболдан 19 жасқа дейінгі Қазақстан жасөспірім қыздар құрамасы 2024 жылғы Еуропа чемпионатына іріктеу сатысында Эстонияға жол берді.
Қазақстандық футболшылар В лигасының бесінші тобында сынға түсіп жатыр. Қарсыластары - Солтүстік Ирландия, Эстония және Грузия құрамалары.
Бүгін қазақстандық футболшылар Эстонияға 1:2 есебімен жол берді.
Ел құрамасынан Адия Асқарова 76-минутта мергендік танытты. Оған қарсыластар 42, 58-минутта екі гол соғып үлгерді.
Енді қазақстандық футболшылар 6 сәуірде Солтүстік Ирландия, 9 сәуірде Грузиямен кездеседі.
2024 жылғы Еуропа чемпионаты финалдық кезеңі 14-27 шілде аралығында Литва мемлекетінде өткізіледі.
Еске салсақ, бұдан бұрын футзалдан Қазақстан құрамасының алдағы ойындарға қатысатын ойыншылары анықталды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.