АСТАНА. KAZINFORM - Футболдан Қазақстан 17 жасқа дейінгі жасөспірімдер құрамасы Тәжікстанмен 1:1 есебімен тең ойнады.
Отандастарымыз арасынан Дәулет Орынбасар пенальтиден гол соқты. Осылайша құрама Шымкент қаласында оқу-жаттығу жиынын аяқтады.
Оқу-жаттығу жиыны барысында Бауыржан Сағындықтың шәкірттері Тәжікстанмен екі бақылау ойынын өткізді.
Еске салсақ, футболдан Қазақстан 19 жасқа дейінгі жасөспірімдер құрамасы Словенияда өткен «Slovenia Nations Cup-2025» халықаралық турнирінде үшінші кездесуде Исландияға жол берді.
Отандастарымыз Біріккен Араб әмірлігі (БАӘ), Шотландия және Исландия ұжымдарымен шеберлік байқасты. Олар Исландияға 1:4 есебімен жол беріп қойды.
Алғашқы екі кездесуінде қазақстандық футболшылар Біріккен Араб әмірлігін 5:1, одан кейін Шотландияны 2:1 есебімен тізе бүктірді.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.