АСТАНА. KAZINFORM — Бүгін футболдан 19 жасқа дейінгі Қазақстан жастар құрамасы Молдовамен кездесті.
Молдовалық футболшылар бірінші кезеңде Қазақстан қақпасына екі гол соғып үлгерді.
Ойынның 5-минутында олардың қатарынан Сергиу Персиун мергендік танытса, Артур Спринзин 17-минутта есепті үстемелей түсті.
Екінші кезеңде қазақстандық Аруп Саутов 68-минутта гол соқса, Ілияс Әбіл 75-минутта қорытынды есепті белгіледі.
Осылайша кездесуде құрамалар 2:2 есебіне қанағат білдірді.
Енді Қазақстан жастары 10 маусымда Түркиямен кездеседі.
Айта кетсек, олар 4 маусымда Әзербайжанға 0:2 есебімен есе жіберген еді.
Еске салсақ, бұдан бұрын футболдан жолдастық кездесуде Қазақстан Армениядан жеңіліп қалған еді.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.