АСТАНА. KAZINFORM - Футболдан 2024 жылғы Еуропа чемпионаты іріктеу сатысында еліміздің 17 жасқа дейінгі қыздар құрамасы Арменияны 7:0 есебімен ойсырата жеңді.
Қазақстандық футболшылар В лигасы төртінші тобында сынға түседі. Қарсыластары - Босния және Герцогвина, Эстония мен Армения.
Бүгінгі кездесу барысында қазақстандық футболшылар жинақы қимыл көрсетті. Ел құрамасынан Томирис Рахатжан, Айсана Зекен мен Виктория Цыганова екі голдан соқса, Полина Тучина бір мәрте қарсылас құрама қақпасын дәл көздеді.
Айта кетсек, бұдан бұрын қазақстандық қыздар Эстонияға 0:2, Босния және Герцоговинаға 1:3 есебімен есе жіберді.
Еске салсақ, бұдан бұрын футболдан Қазақстан кубогының 1/8 финалына шыққан командалар анықталды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.