НҰР-СҰЛТАН. ҚазАқпарат - Футболдан UEFA Конференция лигасы жартылай финалының алғашқы ойындары өтті, деп хабарлайды ҚазАқпарат тілшісі.
Жарыстың аталған сатысында алғашқы кездесуде «Лестер Сити» (Англия) және «Рома» (Италия) шеберлік байқасты.
Кездесуде екі команда шабуылға көбірек көңіл бөлді. Нәтижесінде командалар 1:1 есебіне қанағат білдіріп тарасты.
Тағы бір кездесуде «Фейеноорд» (Нидерланды) және «Олимпик Марсель» (Франция) клубтары өзара кездесті. Ойында нидерландылық футболшылар қарсыласын 3:2 есебімен тізе бүктірді.
Қарымта ойындар 5 мамырға белгіленген. Финал 25 мамырда өтеді.
Еске салсақ, бұдан бұрын Чемпиондар лигасы жартылай финалындағы алғашқы ойындар өтті.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.