НҰР-СҰЛТАН. ҚазАқпарат - UEFA Конференция лигасының жеңімпазы анықталды, деп хабарлайды ҚазАқпарат тілшісі.
Аталған турнирдің финалында Италияның «Рома» және Нидерландының «Фейеноорд» командалары кездесті.
Командалар бір-біріне тегеурінді қарсылық көрсетті. Екеуінің де гол соғатын көптеген мүмкіндігі болды.
Ойынның 32-минутында италиялық командадан Николо Дзаньоло гол соғып, командаын алға шығарды.
Екінші кезеңде де командалар есепті өзгертуге бар күшін салды. Дегенмен таблодағы есепке өзгеріс енген жоқ.
Осылайша «Рома» биыл тұңғыш мәрте өткізілген Конференция лигасының жеңімпазы болды.
Италиялық клуб өзінің тарихында тұңғыш рет еурокубок ойындарының жеңімпазы атанып отыр.
Бұған дейін 1994 жылы Кубок иелері кубогында, 1991 жылы Еуропа лигасында финалист атанды.
Еске сала кетейік, бұдан бұрын «Айнтрахт» Еуропа лигасының жеңімпазы болды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.