НҰР-СҰЛТАН. ҚазАқпарат - Футболдан Қазақстан кубогының алғашқы екі іріктеу кезеңінде сынға түсетін командалар нақтыланды, деп хабарлайды ҚазАқпарат тілшісі.
Алғашқы іріктеу кезеңінде бірінші және екінші лиганың 16 командасы бақ сынайды.
Жарыстың аталған екі сатысында «Қыран» (Шымкент), «Оқжетпес» (Көкшетау), «Академия Оңтүстік» (Шымкент), «Байқоныр» (Қызылорда), «Жетісу» (Талдықорған), «Қайсар» (Қызылорда), «Игілік» (Тараз), «Яссы» (Түркістан облысы), «Жеңіс» (Нұр-Сұлтан), «SD Family» (Нұр-Сұлтан), «Алтай» (Шығыс Қазақстан облысы), «Жас Қыран» (Алматы), «Жас Сұңкар» (Нұр-Сұлтан), «Хан Тенгри» (Алматы), «Арыс» (Түркістан облысы), «Aqtobe City» (Ақтөбе) командалары ойнайды.
18 наурызда Қазақстан кәсіпқой футбол лигасында ҚР кубогы алғашқы екі кезеңінің жеребесі тартылады.
Еске салсақ, футболдан Қазақстан біріншілігінде «Қайрат» пен «Тобыл» көш басына шықты.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.