АСТАНА. KAZINFORM - Бүгін футболдан Лига кубогы турнирінің екінші турында «Қызылжар» мен «Қайрат» тең ойнады.
А тобында сынға түсіп жатқан командалар бұл ойында 1:1 есебімен тең ойнады. Олар алғашқы турда жеңіске жеткен еді.
Аталған топта Оралдың «Ақжайығы» «Таразға» 0:2 есебімен жол берді.
Екі турда төрт ұпай жинаған «Қызылжар» мен «Қайрат» алғашқы екі орынды өзара бөлісіп тұр.
Енді D тобында «Шахтер» (Қарағанды) мен «Жетісу» (Талдықорған), «Астана» мен «Каспий» (Ақтау) сынға түседі.
Айта кетсек, 6 шілдеде В тобында «Тобыл» (Қостанай) өз алаңында «Ақтөбені» 2:0 есебімен жеңсе, «Қайсар» (Қызылорда) мен «Жеңіс» (Астана) клубына 0:1 есебімен жол берді.
Ал 6 шілдеде С тобында «Ордабасы» (Шымкент) мен «Елімай» (Семей) 2:2 есебіне қанағат білдірсе, «Тұран» (Түркістан) «Атырауға» 0:2 есебімен жол берді.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.