АСТАНА. KAZINFORM - Футболдан Лига кубогы турнирінің ойын күнтізбесі белгілі болды. Оған қатысатын 16 команда төрт топта сынға түсіп, әрқайсысы үш ойыннан өткізеді.
Топтық кезең ойындары 25-26 мамыр, 6-7 шілде, 20-21 шілде күндеріне белгіленген.
Одан кейін жартылай финалда 10-11 тамыз бен 30 қазанда А мен В, С мен D топтарының жеңімпаздары өзара кездеседі. Жартылай финалда 10-11 тамыз бен 30 қазанда кездеседі. Ал финал 24 қарашаға жоспарланған.
Айта кетсек, А тобында «Тараз», «Қызылжар» (Петропавл), «Қайрат» (Алматы), «Ақжайық» (Орал), В тобында «Жеңіс» (Астана), «Тобыл» (Қостанай), «Ақтөбе», «Қайсар» (Қызылорда) өзара шеберлік байқасады.
Сондай-ақ, С тобында «Атырау», «Ордабасы» (Шымкент), «Елімай» (Семей), «Тұран» (Түркістан), D тобында «Жетісу» (Талдықорған), «Астана», «Каспий» (Ақтау), «Шахтер (Қарағанды) сынға түседі.
Еске салсақ, биыл футболшы Айбол Әбікен «Ордабасы» футбол клубында ойын көрсетеді.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.