ТАШКЕНТ. KAZINFORM – Әлем чемпионатына дайындық аясында өзбекстандық футболшылар бүгін екінші жолдастық кездесу өткізеді, деп хабарлайды Kazinform агенттігінің Ташкенттегі меншікті тілшісі.
Өзбек футболшыларының бұл жолғы қарсыласы - Нидерландының ұлттық құрамасы. Кездесу Нью-Йорктегі «Icahn» стадионында өтеді. Матч елорда уақыты бойынша 23:45-те басталады.
Еске салайық, бұған дейін Өзбекстан құрамасы Канадаға қарсы ойнап, 0:2 есебімен есе жіберді.
Бұған дейін хабарлағанымыздай, биыл көршілес елдің спортшылары Әлем чемпионатының топтық кезеңіндегі алғашқы ойынын 18 маусымда Колумбияға қарсы өткізеді.
Таяуда еліміздің Сыртқы істер министрлігі футболдан Әлем чемпионатына баратын қазақстандықтарға ескерту жасаған еді.
Әлихан Асқар
2018 жылы А. Байтұрсынов атындағы Қостанай мемлекеттік университетін журналистика мамандығы бойынша тәмамдаған. Әр жылдары облыстық Qostanai, республикалық Astana TV, «Жетінші арна» телеарналарындағы бағдарлама және жаңалықтар бөлімінде қызмет етті. «ҚР Президенті телерадиокешенінде» 2022 жылдың мамырынан бастап еңбек етеді. 2023 жылдан бері Kazinform агенттігінің Өзбекстандағы меншікті тілшісі.