АСТАНА. ҚазАқпарат - Бүгін футболдан Премьер-лига командалары арасындағы ел біріншілігінің 9-туры басталады, деп хабарлайды ҚазАқпарат тілшісі.
Аталған тур 13 және 14 мамыр күндері өтеді. Бүгін 4 ойын болса, ертеңге қалған 3 кездесу белгіленген.
Бүгін, 13 мамырда сағат 15:00-де «Ақсу» (Павлодар облысы) мен «Каспий» (Ақтау кездесуі басталады.
Ал 17:00-де «Қызылжар» (Петропавл) мен «Жетісу» (Талдықорған), 19:00-де «Атырау» мен «Шахтер» (Қарағанды) кездессе, 21:00-де «Мақтарал» (Түркістан облысы) мен «Ордабасы» (Шымкент) шеберлік байқасады.
14 мамырда 15:00-де «Оқжетпес» (Көкшетау) пен «Астана» ойнаса, 17:00-де «Қайрат» (Алматы) пен «Ақтөбе» жасыл алаңға шығады.
Аталған турды сағат 19:00-де «Қайсар» (Қызылорда) мен «Тобыл» (Қостанай) командалары түйіндейді.
Еске салсақ, футболдан бірінші лигада «Ақжайық» қарсыласын ірі есеппен жеңді.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.