АСТАНА. ҚазАқпарат - Бүгін футболдан Премьер-лига командалары арасындағы ел біріншілігінің 2-турында «Ақтөбе» кезекті жеңісіне қол жеткізді , деп хабарлайды ҚазАқпарат тілшісі.
Ақтөбелік клуб өз алаңында Көкшетаудың «Оқжетпес» командасын қабылдады.
Алдымен көкшетаулық клубтан Алексей Татаев 11-минутта есеп ашты.
Одан кейін ақтөбелік Әлібек Қасым 26, Максим Самородоа 41, 45-минутта үш гол соқты.
Екінші кезеңде алаң иелерінен Идрис Умаев 76, Ескендір Қыбырай 89-минутта есепті үстемелей түсті.
Осылайша «Ақтөбе» қарсыласынан 5:1 есебімен басым түсті.
Қазірге дейін сырт алаңда елордалық «Астана» Талдықорғанның «Жетісуын» 2:0, шымкенттік «Ордабасы» қарағандылық «Шахтерді» 4:1 есебімен сүріндірді.
Сондай-ақ, бүгін «Ақсу» (Павлодар облысы) мен «Қайрат» (Алматы) командалары кездеседі.
Ертең, 10 наурызда «Каспий» (Ақтау) мен «Тобыл» (Костанай), «Атырау» мен «Қайсар» (Қызылорда), «Қызылжар» (Петропавл) мен «Мақтарал» (Түркістан облысы) командалары кездеседі.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.