НҰР-СҰЛТАН. ҚазАқпарат - Ресейлік маман Владимир Газзаев Түркістанның «Тұран» командасына бас бапкер болып тағайындалды, деп хабарлайды ҚазАқпарат тілшісі.
Бұл жөнінде команданың баспасөз қызметі ресми түрде мәлім етті.
Владимир Газзаев 1980 жылы 1 шілдеде дүниеге келген. 1997-1998 жылдарда Владикавказдың «Алания» командасында кәсіби футболшы есебінде доп тепкен.
2009 жылдан бері бапкерлікке бет бұрып, 2014 жылға дейін «Алания» клубында бапкер, бас бапкер қызметтерін атқарды. Одан кейін Қазақстанның «Ақтөбе», «Тобыл», Грузияның «Рустави», Ресейдің «Урожай» командаларына жетекшілік етті.
«Ресейлік маман «Ақтөбе» мен «Тобыл» клубтарында жақсы нәтиже көрсетті. Қазақстандық жанкүйерлердің есінде қалды», - деп мәлім етті команда басшылығы.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.