Бұл күнгі негізгі кездесу Бельгия мен Польша құрамалары арасында өтті. Алғашқы турда Нидерланды құрамасына 1:4 есебімен ойсырай жеңілген бельгиялық құрама жанкүйерлер алдында жақсы ойын өрнегін көрсетті. Нәтижесінде қарсыласын 6:1 есебімен сүріндірді.
Олардың қатарынан Аксель Витсель (42-минут), Кевин Де Брёйне (59-минут), Леандро Троссард (73, 80, 83-минуттар), Луа Опенда (90-минут) гол соқса, оған польшалық Роберт Леандовски (28-минут) бір голмен жауап қайырды.
Аталған топтағы Нидерланды сырт алаңда Уэльсті 2:1 есебімен жеңіп, екі ойыннан кейін алты ұпаймен көш басында тұр.
Бұл күнгі өзге ойын нәтижелері төмендегіше:
В лигасы 1 топ
Шотландия - Армения 2:0
Ирландия - Украина 0:1
Бүгін, 9 маусымда үшінші тур ойындары басталады. Қазақстан құрамасы ертең, 10 маусымда сырт алаңда Беларусьпен кездеседі.
Еске салсақ, бұдан бұрын екі ойында жеңіске жеткен қазақстандық футболшылар өз тобында бірінші орында келеді.