АСТАНА. ҚазАқпарат - Футболдан еліміздің 20 жасқа дейінгі жастар құрамасы Беларусь жастарымен жолдастық кездесу өткізді, деп хабарлайды ҚазАқпарат тілшісі.
Аталған кездесу Беларусь астанасы Минск қаласында болды. Ойын барысында қазақстандық құрамадан Максим Самородов (32-минут) гол соқса, оған қарсыластар сапынан Егор Карпицкий (42-минут) бір голмен жауап қайырды.
Осылайша кездесу 1:1 есебімен тең аяқталды.
Айта кетсек, бұдан бұрын қазақстандық жастар жолдастық кездесуде Ресей футболшыларына 1:2 есебімен жол берді.
Еске салсақ, бұдан бұрын UEFA Ұлттар лигасы топтық кезеңіндегі Қазақстан құрамасының үздік ойыншысы анықталды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.