АСТАНА. KAZINFORM – Қазақстандық футболшы Рамазан Оразов «Ақтөбеге» қайта оралды. Бұл жөнінде команданың баспасөз қызметі мәлім етті.
Фото: Ақтөбе ФК
Қазақстан ұлттық құрамасының жартылай қорғаушысы бұған дейін словениялық «Копер» сапында ойнады.
25 жастағы футболшы 2021-2022 жылдары бір жарым маусым ақ-қызылдар намысын қорғады.
Ақтөбелік клубпен бірге Қазақстан чемпионатында күміс жүлдегер атанды.
Фото: Ақтөбе ФК
«Ақтөбеден» бөлек ол алматылық «Қайрат», литвалық «Даугавпилс», ресейлік «Чайка», павлодарлық «Ақсу», қостанайлық «Тобылдың» намысын қорғады.
Еске салсақ, бұдан бұрын «Астана» ганалық футболшы Осей Барнсты қатарына қосты.
1995 жылы Гана астанасы Аккра қаласында дүниеге келген ол Португалияның «Пасуш де Феррейра», «Униан Мадейра», «Арока», «Академика», Кипрдің «Неа Саламина», Гурузияның «Динамо» (Тбилиси) клубтарының намысын қорғады.
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.