НҰР-СҰЛТАН. ҚазАқпарат - Футзалдан 2022 жылғы Еуропа чемпионатына қатысатын Қазақстан құрамасы анықталды, деп хабарлайды ҚазАқпарат тілшісі.
Қазақстан футбол федерациясы мәлім еткендей, қазіргі кезде құрамға 15 ойыншы кірді, жиын біткеннен кейін біреуі қысқарады.
Қақпашылар: Игита, Нарын Серіков (екеуі де - «Қайрат»), Рауан Атантаев («Нұр-Сұлтан»).
Ойыншылар: Тайнан («Эль-Посо», Испания), Дуглас, Шыңғыс Есенаманов, Альберт Ақбалықов, Біржан Оразов, Дәурен Тұрсағұлов (бәрі де - «Қайрат»), Арнольд Кнауб («Динамо-Самара», Ресей), Лео («Норильский никель», Ресей), Нұрбек Қарағұлов («Ақтөбе»), Азат Валиуллин («Аят»), Жомарт Тоқаев, Ерсұлтан Сағындықов (екеуі де - «Атырау»).
Құраманың бас бапкері - Рикардо Кака.
Еуропа чемпионаты 19 қаңтар - 6 ақпан аралығында Нидерландыда өтеді. Қазақстан құрамасы Италия, Словения және Финляндиямен бір топта ойнайды.
Айта кетейік, өткен жылы әлем біріншілігінде Қазақстан құрамасы төртінші орынға табан тіреген болатын.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).