НҰР-СҰЛТАН. ҚазАқпарат - Футзалдан Алматының «Қайрат» командасы бразилиялық маман Пауло Рикардо Какамен келісімшарт мерзімін 2023 жылға дейін созды, деп хабарлайды ҚазАқпарат команда сайтына сілтеме жасап.
Кака аталған клубқа 2018 жылдан бері жетекшілік жасап келеді. Сол уақыттан бері ол командамен бірге футзалдан Қазақстан чемпионы атағын жеңіп алды. Сондай-ақ, Қазақстан кубогының иегері атанды. Екі мәрте еліміздің суперкубогына қол созса, 2018/2019 жылғы кезеңде UEFA Чемпиондар лигасында күміс жүлдегер атанды.
Бразилиялық маман футзалдан Қазақстан ұлттық құрамасының бапкері. Өткен жылы ұлттық құрама өз тарихында үшінші мәрте әлем чемпионатына жолдама алды.
Бұған дейін атақты футболшы Криштиану Роналдудың тарихтағы алғашқы миллиардер футболшы атанғанын хабарлаған болатынбыз.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.