АСТАНА. KAZINFORM - Бүгін, 8 қыркүйек күні Алматы қаласында футзалдан Қазақстан мен Аргентина құрамалары арасында жолдастық кездесу өтті.
Кездесу барысында ел құрамасынан Дәурен Тұрсағұлов 7, Ақжол Дәрібай 10, Арнольд Кнауб 16-минутта үш гол соқты.
Оған екінші кезеңде аргентиналық футзалшылар екі голмен жауап қайырды.
Осылайша ел құрамасы қарсыласынан 3:2 еесбімен басым түсті.
Айта кетсек, биыл 14 қыркүйек пен 6 қазан аралығында Өзбекстанда өтетін әлем чемпионатында ел құрамасы Испания, Ливия және Жаңа Зеландиямен шеберлік байқасады.
Ал Аргентина құрамасы С тобында Украина, Ауғанстан және Анголамен шеберлік байқасады.
Қазақстандық футзалшылар бұдан бұрын Тәжікстан құрамасымен екі мәрте жолдастық кездесуде 4:3, 3:0 есебімен жеңіске жетті.
Одан кейін Иран құрамасын алдымен 3:0 есебімен тізе бүктіріп, одан кейін 1:1 есебімен тең түсті.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.