НҰР-СҰЛТАН. ҚазАқпарат - Футзалдан 2020 жылғы әлем чемпионаты іріктеу сатысындағы элиталық кезеңіндегі Қазақстан құрамасының ойын күнтізбесі белгілі болды, деп хабарлайды ҚазАқпарат тілшісі.
Естеріңізге сала кетелік, Қазақстан құрамасы D тобында сынға түседі. Қарсыластары - Румыния, Словения және Чехия құрамалары. Аталмыш топтағы ойындар 2020 жылдың 2-5 ақпан аралығында өткізіледі.
Қазақстадық футзалшылар 2 ақпанда Румыниямен кездессе, 3 ақпанда Словениямен шеберлік байқасады. Ал 5 ақпанда қазақстандық құрама Чехиямен ойнайды.
Естеріңізге сала кетелік, Қазақстан құрамасы элиталық атысына жолдама алған жарыстың негізгі сатысында Албанияны 4:0, Голландияны 5:0, Румынияны 4:2 есебімен тізе бүктірді.
Әлем чемпионаты 2020 жылдың 12 қыркүйегі мен 4 қазаны аралығында Литвада өткізіледі. Онда барлығы 24 құрама сынға түседі. Қазақстандық футзалшылар бұған дейін әлем чемпионаты финалдық кезеңінде 2000 және 2016 жылдарда бақ сынады. 2016 жылы 1/8 финалға дейін жетті.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.