АСТАНА. ҚазАқпарат – Футзалдан Қазақстан ұлттық құрамасының бас бапкері Рикардо Кака 2024 жылғы әлем чемпионатының элиталық іріктеу кезеңіндегі Нидерланд және Румыниямен өтетін матчтарға шақырылған ойыншылардың тізімін жариялады, деп хабарлайды ҚазАқпарат тілшісі.
Қазақстан футбол федерациясынан мәлім еткендей, қазіргі кезде оқу-жаттығу жиыны Алматыда өтіп жатыр.
15 қыркүйекте сырт алаңда Нидерландпен және 20 қыркүйекте Алматыда өтетін ойындарға барлығы 16 футболшы шақырту алды.
Қақпашылар: Нұрәлем Байдулла («Атырау»), Игита, Нарун Серіков (екеуі де – «Қайрат).
Алаңдағы ойыншылар: Тайнан («Спортинг», Португалия), Эдсон, Альберт Ақбалықов, Дәурен Тұрсағұлов, Дуглас, Жахангир Рашит, Біржан Оразов (бәрі де – «Қайрат»), Азат Валиуллин, Әбдірасул Абдуманапұлы (екеуі де – «Аят»), Шыңғыс Есенаманов, Райымбек Жұма, Жомарт Тоқаев (бәрі де – «Семей»), Арнольд Кнауб («Жетісу»).
Бапкерлер штабы:
Рикардо Кака – бас бапкер,
Дәурен Нұрғожин – бас бапкердің көмекшісі,
Григорий Шамро – қақпашылардың жаттықтырушысы,
Вендел Луиз – дене даярлығы жаттықтырушысы.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).